ירושלימ׳ער מסורה טוט אנגעפירט ווערן דורך די איידלסטע און דערהויבענע אידן, מסלתה ומשמנה פונעם ישוב הישן אין ירושלים עיה״ק, וועלכע האבן ערהאלטן די אריגינעלע מסורה מדור דור איבער וויאזוי אפצושפרעכן עין הרע דורכ׳ן גיסן בליי. די דאזיגע מסורה ווערט גערופן די ׳לוצקין מסורה׳ וועלכע האט זיך באוויזן אין לויף פון די יארן צו ברענגען אומגלויבליכע רעזולטאטן און אויפלייכטן טויזענטער אידישע שטובער ארום דער גארער וועלט.
מיט כבוד און הערכה ווערט אויפגענומען יעדעס איינציגסטע נאמען וועלכע ווענדט זיך צו גיסן בליי, און מיט די ריכטיגע מסורה און כוונות טוען מיר אפרעכטן דעם תיקון אויפן אריגינעלן מהלך וועלכע טוט בס״ד גאר שנעל באווייזן צו ברענגען די געוואונטשענע רעזולטאטן.
מיר ערהאלטן רופן פון אידן וועלכע האלטן איידער א שמחה און ווילן פארזיכערן אז זיי פארמאגן נישט חלילה קיין עין הרע, אידענעס וועלכע טרעפן זיך מיט א צרה אדער מחלה אין שטוב אדער פאמיליע, ווען מען זעט זיך נישט ארויס פון א שוועריגקייט - פון קליין ביז גרויס, אדער ווען מען ווארט אויף דעם ענדגילטיגן שידוך פאר א קינד.
